نجم يشع وباقي الليل مطفي

يطيح جفن الليل وأهز كتف
نجم يشع وباقي الليل مطفي


وأحاكي الجدران عن وصف غرفه


ماتشبه الجدران ويطول وصفي




وتملني الجدران وأظهر لشرفه
تحت السماوأسكر الباب خلفي


ريح تهب وتسكن العظم رجفه


و تموت ريح وتسكن أوراق نزفي



على الروابي تهطل دموع وطفه

وتصب لمع بروقها وسط طرفي



ياطاريالغدران والعمر رشفه



مع قلها ياليتها يوم تصفي



الحب واجد مير الأقدارصلفه



والأرض واجد لكن الحلم منفي



واللي أعرفه راح ماعاد أعرفه


ولاعاد يذكرني الا أقلبت مقفي


ماهو حبيبي مورد القلب حتفه


ولاهو حبيبي يفرح بوقت ضعفي



مر ثمر هالليل وأمر قطفه


يالحنظل اللي صرت أذوقه بكفي



متى الشوارع تجمع اثنين صدفه


لاصار شباك المواعيد مجفي



ويابنت توالليل ماراح نصفه
*وياليل بعض اللي مضى منك يكفي